November 30, 2023 | 11:07 pm

ڈومینیکا کی حکومت ٹی20 ورلڈکپ میچز کی میزبانی سے دستبردار

Dominica ki government T20 world Cup ki mezbani say dastbardar
کیریبین ملک ڈومینیکا نے آئی سی سی ٹی ٹونٹی ورلڈکپ 2024 میں اپنے حصے کے میچز کی میزبانی سے دستبرداری کا اعلان کردیا۔

خیال رہے کہ ویسٹ انڈیز کرکٹ کے رکن ملک ڈومینیکا میں ورلڈکپ کے تین میچز ہونا تھے۔

ڈومینیکا کو پہلے راؤنڈ کا ایک اور سپر 8 کے دو میچز کی میزبانی کرنا تھی۔

تاہم اب ڈومینیکن حکومت نے میچز کی میزبانی سے دستبرداری کا اعلان کرتے ہوئے کہا ہے کہ ورلڈکپ کےلیے وقت پر انفرااسٹرکچر تیار نہیں کرسکتے۔

ڈومینیکن حکومت کا کہنا ہے کہ تیاری مکمل نہ ہونے کی وجہ سے ایونٹ سے دستبردار ہو رہے ہیں۔

خیال رہے کہ آئی سی سی نے ٹی ٹوئنٹی ورلڈکپ کیلئے ویسٹ انڈیز کی 7 اور امریکا کے تین وینیوز کا اعلان کیا تھا۔