فیفا ورلڈ کپ کوالیفائر راؤنڈ ٹو: پاکستان اور تاجکستان آج اسلام آباد میں مدمقابل

پاکستان اور تاجکستان کے درمیان فیفا ورلڈکپ کوالیفائنگ راؤنڈ ٹو کا میچ آج اسلام آباد میں کھیلا جائے گا۔ دونوں ٹیموں نے کل پریکٹس سیشن میں حصہ لیا۔

اسلام آباد میں پریس کانفرنس کرتے ہوئے پاکستان فٹبال ٹیم کے ہیڈ کوچ اسٹیفن کونسٹنٹائن نے کہا تھا کہ پاکستان میں فٹبال کی واپسی ہوگئی ہے۔

انہوں نے یہ بھی کہا کہ کوالیفائنگ راؤنڈ میں پاکستان ایک نئی ٹیم کی طرح ابھر کر سامنے آئی ہے۔

پاکستان ٹیم کے ہیڈ کوچ کا کہنا تھا کہ ہمارے لیے ہر میچ اہم ہے۔

میچ سے ایک روز قبل پاکستان اور تاجکستان کی ٹیموں نے جناح اسٹیڈیم میں اسلام آباد میں بھرپور پریکٹس کی۔

پاکستان اور تاجکستان کے درمیان میچ اسپورٹس کمپلیکس میں دن دو بجے شروع ہوگا۔

خیال رہے کہ پاکستان کو گروپ جی کے پہلے میچ میں سعودی عرب سے 0-4 سے شکست کا سامنا کرنا پڑا تھا۔