November 20, 2023 | 07:17 pm

قومی مینز باسکٹ بال میں پہلے دن چار میچوں کا فیصلہ ہوگیا

National Men Basketball Championship
قومی مینز باسکٹ بال چیمپئن شپ لاہور میں شروع ہوگئی، پہلے دن چار میچز کے فیصلے ہوگئے۔

پاکستان باسکٹ بال فیڈریشن کے زیر انتظام گورنمنٹ کالج یونیورسٹی لاہور میں پانچ روزہ مقابلوں کے پہلے روز کھیلے گئے میچز میں پاکستان آرمی، پاکستان واپڈا، پی او ایف اور لاہور نے اپنے اپنے میچز جیت لئے۔

پاکستان آرمی نے 56 کے مقابلے میں 108 پوائنٹس سے فتح سمیٹی، واپڈا نے اسلام آباد کے خلاف 33-80 کے اسکور سےکامیابی حاصل کی۔

تیسرے میچ میں پاکستان آرڈنینس فیکٹری نے پی اے ایف کو 39 کے مقابلے میں 50 پوائنٹس سے ہرا دیا جبکہ دن کا چوتھا میچ لاہور اور نیوی کے درمیان ہوا جس میں لاہور نے نیوی کو 55-86 سے مات دے دی۔