کون ہوگا ون ڈے کرکٹ کا نیا بادشاہ؟ فیصلہ کل ہوجائے گا

آئی سی سی کرکٹ ورلڈ کپ کا فائنل بھارت اور آسٹریلیا کے درمیان کل احمد آباد کے نرندرا مودی اسٹیڈیم میں کھیلا جائے گا۔

انٹرنیشنل کرکٹ کونسل (آئی سی سی) نے ورلڈ کپ 2023ء کے فائنل کےلیے آفیشلز کا اعلان بھی کردیا ہے۔

میگا ایونٹ کے فائنل کےلیے آن فیلڈ امپائر کے طور پر رچرڈ النگورتھ اور رچرڈ کیٹلبرا کو مقرر کیا ہے جبکہ جوئیل ولسن تھرڈ امپائر کے طور پر فرائض انجام دیں گے اور کرس گیفائی فورتھ امپائر جبکہ اینڈی پائیکرافٹ میچ ریفری ہوں گے۔

واضح رہے کہ آسٹریلیا نے آٹھویں مرتبہ ورلڈکپ فائنل کےلیے کوالیفائی کیا ہے، اس مرتبہ فائنل میں اس کا مقابلہ بھارت سے ہوگا۔

یاد رہے کہ گروپ میچز میں چنئی کے چڈم برم اسٹیڈیم میں بھارت نے آسٹریلیا کو 6 وکٹوں سے شکست دی تھی۔