November 17, 2023 | 10:12 am

کیا شاہد آفریدی نے شاہین آفریدی کو کپتان بنانے کیلئے لابنگ کی؟

kya shahid afridi nay shaheen afridi ko captain bnanay kay liye lobbing ki
سابق کپتان شاہد خان آفریدی نے سوشل میڈیا پر چلنے والی اس مہم کو بے بنیاد قرار دیا ہے کہ انہوں نے اپنے داماد شاہین شاہ آفریدی کو پاکستانی ٹی ٹوئنٹی کا کپتان بنانے کے لئے لابنگ کی تھی۔

ان کا کہنا ہے کہ اس بارے میں ذکاء اشرف اور محمد حفیظ نے فیصلہ کیا ہوگا، میرے خیال میں ٹی ٹوئنٹی کے لئے محمد رضوان مناسب امیدوار تھے ۔

شاہد آفریدی نے کہا کہ میرا اور شاہین کا جو رشتہ ہےاس سے لوگ سمجھیں گے کہ شاہد سپورٹ کررہا ہے لیکن میں حلفیہ کہتا ہوں کہ میں ان چیزوں میں نہیں پڑتا نہ مجھے اس کا شوق ہے۔

اپنی بات کو جاری رکھتے ہوئے شاہد آفریدی نے کہا کہ اگر میرا کو ئی چکرہوتا تو میں چیئرمین کے خلاف بات نہ کرتا ۔ جمعرات کو نمائندہ جنگ کو انٹر ویو میں شاہد آفریدی نے کہا کہ حلفیہ کہتا ہوں کہ کبھی شاہین آفریدی کو کپتان بنانے کی سپورٹ نہیں کی ہے۔