November 16, 2023 | 11:17 am

آسٹریلوی کپتان پچ معاملے پر شفافیت برقرار رکھے جانے کیلئے پرامید

pat cummins pitch mamly par shafafiyat barqarar rakhy jany kay liye puumeed
ورلڈ کپ کے سیمی فائنل میچز سے قبل پِچ تنازعے پر آسٹریلیا کے کپتان پیٹ کمنز نے بھی تبصرہ کیا ہے۔ ان کا کہنا تھا کہ آئی سی سی پر ’اعتماد‘ ہے ، ہماری ٹیم کو ٹورنامنٹ کے دوران کسی مسئلے کا سامنا نہیں کرنا پڑا۔

خیال رہے کہ ممبئی کے وانکھیڈے اسٹیڈیم میں نیوزی کے لینڈ کے ساتھ بھارت کے سیمی فائنل سے چند گھنٹے قبل یہ خبریں سامنے آئی تھیں کہ بھارتی ٹیم مینجمنٹ نے میچ کے لیے سلو پِچ بنانے کی خواہش کا اظہار کیا تھا۔

پیٹ کمنز نے کہا کہ میں نے یہ خبر دیکھی ہے۔ آئی سی سی کے پاس آزاد پِچ کیوریٹر ہے اور مجھے یقین ہے کہ وہ پِچ کے معاملے میں دونوں ٹیموں کے حق میں شفافیت برقرار رکھیں گے۔

خیال رہے کہ جنوبی افریقا کے خلاف ایڈن گارڈنز کولکتہ میں سیمی فائنل کی پِچ کے حوالے سے آسٹریلوی ٹیم کی جانب سے کوئی شکایت نہیں کی ۔ دونوں ٹیموں نے میچ سے قبل پِچ کا جائزہ لے لیا ہے۔