’’مجھے اُمید ہے ان کے سر پر کپتانی نہیں چڑھے گی‘‘

پاکستان کرکٹ ٹیم کے سابق آلراؤنڈر عبد الرزاق کا کہنا ہے کہ پاکستانی ٹیم کی کپتانی بہت آسان ہے اور مجھے اُمید ہے ان کے سر پر کپتانی نہیں چڑھے گی۔

جیو نیوز کے پروگرام ’’ہارنا منع ہے‘‘ میں عبد الرزاق نے بابراعظم کے تینوں فارمیٹ سے دستبرداری کے فیصلے پر اپنے خیالات کا اظہار کرتے ہوئے کہا کہ بابر اعظم کو ٹیم میں ہونا چاہئے جیسے کوہلی ہے کیونکہ بابراعظم ہمارے نمبر ون کھلاڑی ہیں۔

عبدالرزاق نے کہا کہ ہمیں غیر ملکی کوچ نہیں رکھنے چاہئے ، پی سی بی کا چیرمین تبدیل ہوتا ہے تو اسٹاف بھی تبدیل ہو جاتا ہے۔

پروگرام میں شریک کرکٹر عمادوسیم نے کہا کہ لگتا ہے بابراعظم کا اچھا فیصلہ ہے، بابر اعظم سے بوجھ ہٹے گا اپنی پرفارمنس پر فوکس کرے گا۔

عمادوسیم نے کہا کہ کپتانی کا بوجھ ہوتا ہے، شاہین آفریدی کو خوش آمدید کہتا ہوں ، مجھے نہیں لگتا کسی کو کوئی مسئلہ ہونا چاہئے۔

آلراؤنڈر عماد وسیم نے مزید کہا کہہمارے سپراسٹار کوچ کو پسند ناپسند کا بہت ہوتا ہے ، غیر ملکی کوچ سے پاکستانی کوچ اچھےہیں۔

فاسٹ بولر محمد عامر نے کہا کہ شان مسعودکا ڈومیسٹک سیزن اچھا جارہا ہے اور وہ اچھا کپتان ثابت ہوسکتا ہے۔

محمد عامر نے کہا کہ بابر کو میرا مشورہ ہے وہ اس چیز کو چیلنج لے اور بابر جیسا کھلاڑی ہے اُسے ثابت کرنے کی ضرورت نہیں ہے۔