November 15, 2023 | 12:18 am

بابر اعظم کی کپتانی کا سورج غروب ہوگیا

Babar Azam ki captaincy ka suraj ghuroob hogaya
ورلڈ کپ 2023 میں شکست کے بعد بابر اعظم کی کپتانی کا سورج غروب ہوگیا۔ شان مسعود اور شاہین آفریدی کپتانی کے مضبوط امیدوار ہیں۔

ذرائع کا کہنا ہے کہ ورلڈ کپ میں شکست کے بعد بابر اعظم کی کپتانی ختم کرنے کا فیصلہ کرلیا گیا ہے۔ ٹیسٹ، ون ڈے اور ٹی 20 کپتان بابر اعظم اب بطور کھلاڑی کھیلیں گے۔

بابر اعظم کی کپتانی میں پاکستان آئی سی سی، ایشین کرکٹ کونسل کا کوئی ٹائٹل نہ جیت سکا۔

ذرائع نے بتایا کہ بابر اعظم بطور کپتان استعفیٰ دیں گے تو بورڈ قبول کر لے گا۔

ذرائع کا کہنا ہے کہ بورڈ نے بابر اعظم کو کپتانی سے ہٹانے کا فیصلہ کرلیا ہے، دورہ آسٹریلیا میں شان مسعود ٹیسٹ کپتان بننے کے مضبوط امیدوار ہیں جبکہ دورہ نیوزی لینڈ میں ٹی 20 ٹیم کی قیادت کےلیے شاہین آفریدی مضبوط امیدوار ہیں۔

ذرائع نے بتایا کہ 2024 آئی سی سی ٹی ٹوئنٹی ورلڈکپ میں پاکستان کے کپتان شاہین آفریدی ہوں گے۔

واضح رہے کہ بابر اعظم کی کپتانی میں پاکستان کرکٹ ٹیم کو بھارت میں جاری آئی سی سی ورلڈ کپ 2023ء کے 9 میں 5 میچوں میں شکست کا سامنا کرنا پڑا تھا۔