November 14, 2023 | 01:13 pm

پی سی بی کا غیر ملکی کوچز کو فارغ کرنے پرغور

pcb ka gair mulki coaches ko farigh karny par goar
پاکستان کرکٹ بورڈ (پی سی بی) نے غیر ملکی کوچز اسٹاف کو تبدیل کرنے پر غور کرنا شروع کردیا ہے۔

اس بارے میں ذرائع کا بتانا ہے کہ ڈائریکٹر کرکٹ مکی ارتھر کل پی سی بی ہیڈ کوارٹر جائیں گے اور مکی آرتھر ، کوچ بریڈ برن، بیٹنگ کوچ اینڈریو پوٹیک کی چھٹی کا امکان ہے۔

ذرائع کے مطابق سابق کپتانوں سے چیئرمین پی سی بی مینجمنٹ کمیٹی ذکا اشرف کی ملاقاتوں کا سلسلہ شروع ہوگیا ہے اور پی سی بی نے غیر ملکی کوچز کی جگہ ملکی کوچز رکھنے پراتفاق کیا ہے۔

ذرائع کا یہ بھی بتانا ہے کہ 17 نومبر کو ذکا اشرف انٹرنیشنل کرکٹ کونسل (آئی سی سی) اجلاس میں شرکت کیلئے بھارت جائیں گے اور بھارت روانگی سے قبل ذکا اشرف ٹیم مینجمنٹ اور کپتان بابراعظم سے ملاقات کریں گے۔

اس ہونے والی ملاقات کے بارے میں ذرائع کا بتانا ہے کہ ملاقات میں ایشیا کپ اور ورلڈ کپ کی کارکردگی پر بات چیت ہوگی۔

علم میں رہے کہ گزشتہ روز پاکستان ٹیم کے بولنگ کوچ مورنے مورکل اپنے عہدے سے استعفیٰ دے چکے ہیں۔