November 14, 2023 | 08:39 am

سابق بھارتی کرکٹر کپل دیو بھی بابراعظم کی حمایت میں سامنے آگئے

kapil dev nay bhi babar azam ki himayat kardi
سابق بھارتی کرکٹر کپل دیو بھی کھل کو پاکستان کرکٹ ٹیم کے کپتان بابراعظم کی حمایت میں سامنے آگئے۔

کپل دیو نے کہا کہ اگر کپتان بابراعظم کی کارکردگی آج دیکھیں گئے تو کہیں گے کہ آج بابر ٹھیک نہیں ہے مگر یہی کپتان تھا جس نے پاکستان ٹیم کو نمبر ون بنایا تھا۔

اپنی بات کو جاری رکھتے ہوئے کپل دیو نے کہا کہ جب کوئی زیرو بناتا ہے اور اس پر لوگوں کا خیال پوچھا جائے تو 99 فیصد کہتے ہیں کہ اس کو ڈراپ کردو، مگر اس کے برعکس ایک عام سا کھلاڑی آتا ہے اور سنچری مار دیتا ہے تو کہتے ہیں کہ یہی سپر اسٹار ہے۔

انہوں نے کہا کہ موجودہ پرفارمنس کو نہ دیکھیں بلکہ یہ دیکھیں کہ اس میں کتنا جنون ہے، کوئی دنیا میں ایسا بیٹر نہیں کہ وہ پہلی گیند پر آؤٹ نہیں ہوسکتا۔