پاکستان کے کوہ پیماء سرباز خان نے تاریخ رقم کردی

رپورٹ: فیضان لاکھانی۔۔۔ پاکستان کے کوہ پیماء سرباز خان نے تاریخ رقم کردی، وہ 8 ہزار میٹر سے بلند 13 چوٹیاں سر کرنے والے پہلے پاکستانی بن گئے۔

واضح رہے کہ سرباز خان نے اب سے کچھ دیر قبل دنیا کی چھٹی بلند چوٹی چو ایو کو سر کیا، چین میں واقع چو ایو کی اونچائی 8,188 میٹر ہے۔

سرباز نے بغیر مصنوعی آکسیجن کے بغیر چو ایو کو سر کیا۔ سرباز خان 10 "ایٹ تھاوزنڈرز" کو بغیر آکسیجن سر کرنے والے واحد پاکستانی ہیں۔

سرباز نے گزشتہ شب کیمپ ون سے پیش قدمی شروع کی تھی اور اب سے کچھ دیر قبل چو ایو کے ٹاپ پر پہنچے تھے۔

خیال رہے کہ سرباز کو "مشن 14" مکمل کرنے کیلئے اب صرف ایک چوٹی سر کرنا باقی ہے، سرباز خان رواں سیزن میں ہی شیشاپنگما سر کرلیں گے۔