October 02, 2023 | 12:50 pm

پرفارمنس کے بغیر انضمام الحق کا بیٹا قائداعظم اسکواڈ میں کیسے آیا؟

perforamnce kay baghair inzimam ul haq ka beta quaid e azam sqaud mein kesy aya
رپورٹ: یحییٰ حسینی۔۔۔ پاکستان کرکٹ بورڈ (پی سی بی) کی منجمنٹ کمیٹی کے چیئرمین ذکاء اشرف کا کہنا ہے کہ بغیر پرفارمنس کے انضمام الحق کابیٹاقائداعظم اسکواڈ (لاہور بلیوز) میں کیسےآیا، میں چیف سلیکٹرسےپوچھوں گا۔

جیو نیوز کے پروگرام اسکور میں گفتگو کرتے ہوئے ذکاء اشرف نے کہا کہ انشاء اللہ ورلڈ کپ میں پاکستان ٹیم بہتر اور اچھا پرفارم کرےگی اور ورلڈ کپ کی پرفارمنس دیکھ کر بڑے اور اہم فیصلے کریں گے۔

اپنی بات کو جاری رکھتے ہوئے ذکاء اشرف نے کہا کہ پاکستان کرکٹ بورڈ میں بے انتہا سیاست ہے، ورلڈ کپ سے پہلے کپتان بابر اعظم کو مکمل تعاون کا یقین دلایا ہے۔

انہوں نے کہا کہ پاکستان سپرلیگ ملک میں ہوگی یا باہر صورتحال کےمطابق فیصلہ کریں گے، کھلاڑیوں کو پاکستان سپر لیگ کےساتھ2 لیگز کی اجازت ہوگی اور کھلاڑیوں کو این او سی دینے کا فیصلہ انضمام الحق نہیں چئیرمین کرے گا، بغیرپرفارمنس سینٹرل کنٹریکٹ تین سال تک نہیں چلے گا۔