کوہ پیماء سرباز علی نے دنیا کی آٹھویں بلند ترین چوٹی سر کرلی

رپورٹ: فیضان لاکھانی۔۔۔ پاکستانی کوہ پیماء سرباز علی نے مناسلو کا ریئل سمٹ بھی سر کرلیا۔

خیال رہے کہ سرباز علی نے 2019 میں پہلی بار مناسلو کو سر کیا تھا مگر 2021 میں حقیقی سمٹ پوائنٹ کے انکشاف کے بعد سرباز نے دوبارہ مناسلو کو سر کیا۔

واضح رہے کہ مناسلو دنیا کی آٹھویں بلند ترین چوٹی ہے اور سرباز علی نے مصنوعی آکسیجن کے بغیر 8163 میٹر بلند چوٹی مناسلو کو سر کیا، سرباز علی آج صبح پاکستانی وقت کے مطابق پونے چھ بجے مناسلو کے ٹاپ پر پہنچے۔

علم میں رہے کہ سرباز علی 8 ہزار میٹر سے بلند 14 میں سے 12 چوٹیاں سر کرچکے ہیں اور پاکستانی کوہ پیماء سرباز علی بقیہ دو چوٹیاں سر کرنے جلد چین روانہ ہوں گے۔