September 19, 2023 | 02:50 pm

میں وہ واحد انسان ہوں جو شاہین کو کپتان بننے سے دور رکھتا ہوں:شاہد آفریدی

Mein wo waahid insan hun jo Shaheen ko captain banne se dur rakhta hun Shahid Afridi
پاکستان کرکٹ ٹیم کے کپتان بابر اعظم کی جگہ فاسٹ بولر شاہین آفریدی کے کپتان بننے سے متعلق خبروں پر شاہد آفریدی نے سخت ردعمل کا اظہار کیا ہے۔

حال ہی میں نجی میڈیا کا حوالہ دیتے ہوئے سوشل میڈیا پر خبر سامنے آئی تھی کہ شاہد آفریدی نے کہا کہ شاہین آفریدی بابر اعظم سے بہتر انداز میں پاکستان ٹیم کی قیادت کرسکتے ہیں، لاہور قلندرز نے شاہین شاہ کی قیادت میں پی ایس ایل ٹرافی جیتی ۔

نجی میڈیا سے گفتگو کے دوران سابق کپتان نے خود سے منسوب کیے جانے والے اس بیان کی سختی سے تردید کی اور کہا کہ میں ان دنوں ایک ہی چینل پر بیٹھ کر بات کرتا ہوں، مجھے سمجھ نہیں آرہا لوگ مجھ سے متعلق اپنی طرف سے باتیں کیوں بنارہے ہیں؟

شاہد آفریدی نے مزید کہا کہ میں تو وہ واحد انسان ہوں جو شاہین کو کپتان بننے سے دور رکھتا ہوں۔

واضح رہے کہ گزشتہ روز اطلاعات سامنے آئی تھیں کہ فاسٹ بولر شاہین شاہ آفریدی کو شاداب خان کی جگہ نائب کپتان بنائے جا نے کا قوی امکان ہے۔

قومی ٹیم کا اگلا بڑا امتحان بھارت میں 5 اکتوبر سے شروع ہونے والا آئی سی سی کرکٹ ورلڈکپ ہے۔