ورلڈکپ ٹیم، چیف سلیکٹر انضمام اور کپتان بابر کی آج بورڈ چیف سے ملاقات

قومی سلیکشن کمیٹی کے سربراہ انضمام الحق اور کپتان بابر اعظم آج لاہور میں چیئرمین ذکاء اشرف سے ملاقات کریں گے ۔

اس دوران ورلڈ کپ کی ٹیم اور اس سے منسلک کئی فیصلوں کا امکان ہے۔ پاکستان ٹیم کا اعلان بدھ یا جمعرات کو کیا جائے گا۔ پی سی بی میں چند انتظامی تبدیلیوں پر بھی غور ہورہا ہے۔

ورلڈ کپ کرکٹ ٹورنامنٹ سے قبل اہم کھلاڑیوں کے فٹنس مسائل اور خراب فارم کی وجہ سےانضمام الحق نے کپتان بابر اعظم کے ساتھ صلاح مشورے کئے اور کھلاڑیوں کی فٹنس رپورٹس کو بھی شیئر کیا گیا۔

خیال رہے کہ ٹیم میں زیادہ اکھاڑ پچھاڑ کا امکان نہیں ہے۔ اسپنر شادب خان کی خراب فارم کی وجہ سے ان کی نائب کپتانی خطرے میں ہے، انہیں ڈراپ اور اسپنر ابرار احمد کو شامل کرنے پر غور کیا جارہا ہے۔