ورلڈکپ کے بعد کپتان کے حوالے سے سوچیں: محمد حفیظ

رپورٹ: عتیق الرحمٰن۔۔۔ پاکستان کرکٹ بورڈ (پی سی بی) کی کمیٹی ممبر محمد حفیظ کا کہنا ہے کہ بابر کو ورلڈکپ کے لیے مکمل سپورٹ کرناچاہیے اور ورلڈکپ کے بعد کپتان کے حوالے سے سوچیں اور میں کرکٹ کمیٹی میں صرف رائے دیتا ہوں فیصلہ نہیں کرتا۔

کراچی میں میڈیا سے گفتگو کرتے ہوئے محمد حفیظ نے کہا کہ اس ٹیم کے لیے بھارت میں کھیلنا ایک چیلنج ضرور ہوگا، اس ٹیم کے بہت کم کھلاڑی بھارت میں کھیلیں ہیں ،ہمیں اس ٹیم سے امید لگانی چاہیئے انشاء اللہ نتائج اچھے آئیں گے۔

انہوں نے کہا کہ بھارت میں جاکر آپ کو حوصلے سے کھیلنا پڑتا ہے ، ہماری فاسٹ بولنگ بہتر ہے، بڑے ایونٹ میں اسپن کنسلٹنٹ ہونا چاہیے۔

ایشیا کپ کے حوالے سے محمد حفیظ نے کہا کہ اگر فائنل تک پہنچنے پر صرف کپتان کو کریڈٹ نہیں دیتے تو شکست کا ملبہ بھی صرف کپتان پر نہ ڈالیں ، بھارت سے میچ میں شکست نے پاکستان ٹیم کو ذہنی طور پر نقصان پہنچایا ، 3 ماہ سے میچ نہ ہارنے کا یہ مطلب نہیں آپ بھارت سے بری طرح ہار جائیں۔

انہوں نے کہا کہ ایشیا کپ سے پہلے بہت کھلاڑی لیگ کھیل رہے تھے اور لیگ کی وجہ سے ان کو انجری ہونا ہی تھی ۔

سابق کپتان نے اپنی بات کو جاری رکھتے ہوئے کہا کہ جب آپ اتنی زیادہ لیگ کھیل کر آرہے ہوتے تو بڑے ٹورنامنٹ میں انجرڈ ہونے کا چانس ہوتا ہے۔

انہوں نے کہا کہ اگر فائنل تک پہنچنے پر صرف کپتان کو کریڈٹ نہیں دیتے تو شکست کا ملبہ بھی صرف کپتان پر نہ ڈالیں۔

محمد حفیظ نے کہا کہ اسپنرز کی کارکردگی بہت مایوس کن تھی، ہمارے اسپنرز اچھی جگہ پر بال نہیں کرسکے ، شاداب خان اس طریقے سے پرفارم نہیں کرسکے اور ٹی 20 کی وجہ سے شاداب خان کی پرفارمنس متاثر ہورہی ہے اور کئی کھلاڑی صرف دورہ کرکے واپس آگئے۔

اپنی بات کو جاری رکھتے ہوئے حفیظ نے کہا کہ 3 ماہ سے میچ نہ ہارنے کا یہ مطلب نہیں آپ بھارت سے بری طرح ہار جائیں، بھارت سے میچ میں شکست نے پاکستان ٹیم کو ذہنی طور پر نقصان پہنچایا۔

سابق کپتان نے کہا کہ ایشیا کپ میں ہم ناکام ہوئے اور اس کو ماننا پڑے گا ، جب ہم ناکامی کو مانیں گےتب ہی بہتری کی طرف جائیں گے۔

انہوں نے کہا کہ ہماری 2,3 سال کی پلاننگ کے اندر غلطیاں رہی ہوں گی، یہ پلیئرز کافی وقت سے پاکستان کے لیے کھیل رہے ہیں۔

محمد حفیظ نے کہا کہ کھلاڑیوں کو ذمہ داری لینی چاہیے ، کسی ایک کھلاڑی کو نکالنے یہ لانے سے معاملہ حل نہیں ہوگا ، سلیکشن میں زیادہ تبدیلی نہیں ہونی چاہیے ۔

سابق کپتان نے کہا کہ میں سمجھتا ہو ٹیم میرٹ پر سلیکٹ ہوگی، اگر کوئی انجرڈ ہے تو اس کو تبدیل کرنا چاہیے ۔

انہوں نے کہا کہ پچھلی مینجمنٹ کو سوچنا چاہیے تھا اتنی انجریز کے بعد لڑکے بڑا ایوٹ کیسے کھیلیں گے ، جو کھلاڑی گزشتہ ایک سال میں انجرڈ ہوئے وہ اس وقت کہاں ہیں اس کا کچھ نہیں معلوم۔

محمد حفیظ نے کہا کہ مینجمنٹ سے سوال ہونا چاہیے کہ ہم نے نیدرلینڈ اور افغانستان کے خلاف بینچ اسٹرینتھ کیوں نہیں آزمائی۔

انہوں نے کہا کہ نجم سیٹھی نے الزام لگایا کہ پاکستانی کوچز ایماندار نہیں ہیں، جب سیٹھی صاحب مکی آرتھر کو پوری پورے اختیارات دے رہے تھے تب سوال کیوں نہیں ہوا۔

محمد حفیظ نے کہا کہ احسان مانی نے کہا تھا کہ ہم پی سی بی کے قانون میں یہ تبدیلی لانا چاہتے ہیں کہ فسکرز کو دوبارہ ٹیم میں نہ آنے دیں، اگرفکسنگ کے اوپر ہم سخت فیصلے لیتے تو دوبارہ لوگ ایسا کام نہ کرتے مگر پی سی بی کی کیبنیٹ میں لوگوں نے اس قانون کو منظور نہ ہونے دیا۔

انہوں نے کہا کہ میں نے بطور کرکٹ کمیٹی ممبر یہ رائے دی ہے کہ اسی مینجمنٹ کو برقرار رکھنا چاہیے۔