ڈائنامائٹس اور چیلنجرز کے درمیان فائنل کل کھیلا جائے گا

پاکستان کپ ویمنز ایک روزہ کرکٹ ٹورنامنٹ کا فائنل کل ڈائنامائٹس اور چیلنجرز کے درمیان کھیلا جائے گا۔

پاکستان کی سدرہ امین ڈائنامائٹس ٹیم کی قیادت کررہی ہیں جبکہ عمیمہ سہیل چیلنجرزکی جانب سے ایکشن میں ہوں گی۔

واضح رہے کہ ٹورنامنٹ جیتنے والی ٹیم کو دس لاکھ روپے کی انعامی رقم ملے گی جبکہ رنرز اپ کو پانچ لاکھ روپے ملیں گے۔ پلیئر آف دی میچ کو بیس ہزار روپے اور پلیئر آف دی ٹورنامنٹ کو پچاس ہزار روپے کا نقد انعام دیا جائے گا۔

یاد رہے کہ دنوں ٹیمیں فائنل سے قبل لیگ مرحلے میں دو بار آمنے سامنے آچکی ہیں ۔ پہلے میچ میں ڈائنامائٹس نے آٹھ وکٹوں سے کامیابی حاصل کی تھی جبکہ دوسرا میچ چیلنجرز نے دلچسپ مقابلے کے بعد سات رنز سے جیتا تھا۔