ایشیا کپ ہاکی: پاکستان آج سیمی فائنل میں ملائیشیا کے مدمقابل

عمان میں جاری جونیئر ایشیا کپ ہاکی میں پاکستان آج سیمی فائنل میں ملائیشیا سے مقابلہ کرے گا جبکہ ایونٹ کے دوسرے سیمی فائنل میں بھارت اور جنوبی کوریا کی ٹیمیں مد مقابل ہوں گی۔

واضح رہے کہ اپنے آخری گروپ میچ میں پاکستان نے جاپان کو تین ۔ دو سے ہراکر نہ صرف ایونٹ کے سیمی فائنل کیلئے کوالیفائی کیا بلکہ اس کے ساتھ ہی پاکستان کی اس سال ملائیشیا میں ہونے والے جونیئر ورلڈ کپ میں بھی جگہ پکی ہوگئی ہے۔

پاکستانی ٹیم کے کنسلٹنٹ رولمنٹ آلٹمنس نے کہا ہے کہ کھلاڑیوں نے ایونٹ میں شان دار پر فارمنس دی ہے، ورلڈ کپ کے لئے رسائی سے کھلاڑیوں کے حوصلے بہت بلند ہوئے ہیں ۔