ورلڈ تائیکوانڈو چیمپئن شپ: پاکستان کے ہارون خان کو راؤنڈ آف میں شکست

رپورٹ: فیضان لاکھانی۔۔۔ باکو میں جاری ورلڈ تائیکوانڈو چیمپئن شپ میں پاکستان کے ہارون خان کو ابتدائی دو مقابلوں میں کامیابی کے بعد راؤنڈ آف 16 میں شکست کا سامنا کرنا پڑا۔

مائنس 58 کلوگرام ویٹ کیٹیگری کے مقابلوں میں پاکستان کے ہارون خان نے راونڈ آف 64 میں سربیا کے بیلانووچ کو دو ۔ صفر سے شکست دی، ان کی کامیابی کا اسکور 6-14 اور 10-17 رہا ۔ 

راؤنڈ آف 32 مین ہارون خان مصر کے منصور مصطفی کے خلاف معرکہ آرا ہوئے ۔ پہلے راونڈ میں مصری پلیئر ہارون پر حاری رہے لیکن اگلے دو راؤنڈز میں پاکستانی کھلاڑی نے حریف کو آؤٹ کلاس کرکے دو ۔ ایک سے کامیابی حاصل کی ۔ راؤنڈ آف 32 میں ہارون کی کامیابی کا اسکور 14-11، 2-15 اور 4-16 رہا ۔ 

راؤنڈ آف 16 میں ہارون اپنی کارکردگی کا سلسلہ برقرار نہ رکھ سکے اور انہیں آزاد حیثیت میں کھیلنے والے روسی کھلاڑی گٹساو جیورجی نے دو ۔ صفر سے شکست دی ۔ روسی ایتھلیٹ کا ہارون کیخلاف جیت کا اسکور 4-7 اور 2-14 رہا ۔

باکو ورلڈ تائیکوانڈو چیمپئن شپ میں پاکستان کے چار کھلاڑی شریک ہیں جن میں ہارون خان کے علاوہ ارباز خان، شاہ زیب خان اور ارباز خان شامل ہیں۔