May 25, 2023 | 02:30 pm

پی سی بی الیون اور لاہور قلندرزالیون کے درمیان میچ کھیلا جائے گا

pcb eleven aur lahore qalanders kay darmiyan match khela jaye ga
رپورٹ: سہیل عمران۔۔۔ نارووال اسپورٹس کمپلیکس کے افتتاح کے موقع پر پی سی بی الیون اور لاہور قلندرزالیون کے درمیان کرکٹ میچ کا انعقاد کیا جائے گا ۔

نارووال اسپورٹس کمپلیکس کا افتتاح 28 مئی کو ہو گا اور اس دن پی سی بی الیون اور لاہور قلندرزالیون کے درمیان ٹی 10 میچ کھیلا جائے گا۔

لاہور قلندرز کے اسکواڈ میں فخرزمان ، حارث رؤف، طاہر بیگ ، جلات خان، احسن بھٹی اور احمد دانیال شامل ہیں اور ان کے علاوہ لاہور قلندرز پلئیرز ڈویلپمنٹ پروگرام کے کھلاڑی بھی الیون کا حصہ ہوں گے۔

پی سی بی الیون کی جانب سے عابد علی ، آصف علی ، ساجد خان ، علی عمران عثمان قادر اسکواڈ میں شامل ہیں اور دیگر کھلاڑیوں میں کامران اکمل ، خوشدل شاہ ، محمد الیاس، محمد اخلاق، عباس آفریدی بھی شامل ہیں۔

واضح رہے کہ پاکستان انڈر 19 اور مقامی کھلاڑی بھی میچ میں حصہ لیں گے۔