May 25, 2023 | 01:37 pm

ایشیا کپ: بھارت نے پی سی بی کے ہائبرڈ ماڈل کو رد کردیا

bhaart nay pcb kay hybrid model ko rad kardia
ایشیا کپ 2023 ء کی میزبانی پاکستان کے پاس سے مگر بھارت کی جانب سے پاکستان نہ آنے کی ضد پر پاکستان کرکٹ بورڈ ( پی سی بی) نے ہائبرڈ ماڈل بھی پیش کردیا تھا۔

اس حوالے سے اب بھارتی میڈیا کی جانب سے خبر سامنے آئی ہے کہ بھارتی کرکٹ بورڈ نے پی سی بی کےہائبرڈ ماڈل پرکھیلنے سےانکار کردیا ہے، بی سی سی آئی ہائبرڈ ماڈل پر کھیلنے کےلیےرضامند نہیں۔

بھارتی میڈیا کے مطابق بی سی سی آئی ایشیا کپ کو کسی ایک نیوٹرل مقام پر شفٹ کرنا چاہتی ہے اور بھارتی کرکٹ بورڈ چاہتا ہےکہ ایشیا کپ کو سری لنکا منتقل کیاجائے۔

خیال رہے کہ اس سے قبل خبر سامنے آئی تھی کے نجم سیٹھی نے بھارتی کرکٹ بوڈ کے سیکریٹری اور صدر اے سی سی جے شاہ کو ہائی برڈ ماڈل پر رضامند کرلیا ہے مگر اس بارے میں بھارتی میڈیا کا کہنا ہے کہ بی سی سی آئی نے ہائبرڈ ماڈل کو ماننے والی خبروں کی تردید کردی ہے۔