May 25, 2023 | 11:54 am

مشیر کھیل پنجاب وہاب ریاض کرکٹ سے دور نہ رہ سکے

wahab riaz cricket sae dour na rehsaky
رپورٹ: سہیل عمران۔۔۔ مشیر کھیل پنجاب وہاب ریاض کرکٹ سے دور نہ رہ سکے اور انہوں نے نیشنل کرکٹ اکیڈمی میں باقاعدگی سے ٹریننگ کا آغاز کر دیا۔

نگراں وزیراعلیٰ پنجاب محسن نقوی کے مشیر برائے کھیل وہاب ریاض نے مقامی کلب میں جم ٹریننگ بھی کرتے ہیں۔

اس حوالے سے انہوں نے کہا کہ میں دفتر آنے سے قبل ٹریننگ کرتا ہوں اور صبح جم ٹریننگ کے بعد نیشنل کرکٹ اکیڈمی میں بولنگ اور بیٹنگ کرتا ہوں۔

مشیر کھیل پنجاب وہاب ریاض نے کہا کہ میں کرکٹ سے دور نہیں رہ سکتا ، اس لیے ٹریننگ کرتا ہوں اور ٹریننگ کے بعد پھر اپنے دفتری امور سر انجام دیتا ہوں۔

وہاب ریاض نے کہا کہ کرکٹ تو جب تک فٹ ہوں کھیلتا رہوں گا اور میں اس برس لیگز میں حصہ لوں گا۔

انہوں نے بتایا کہ مشیر کھیل بننے کا مقصد کھلاڑیوں اور کھیلوں کے لیے کچھ کرنا ہے۔